2023 жылы 4 сәуірде Алматы қаласында осы құрылымның 30 жылдығына және Қазақстанда ЮНЕСКО -ның орта мерзімді стратегиясын іске асыруды бағалауға арналған Қазақстан Республикасының ЮНЕСКО және ИСЕСКО істері жөніндегі ұлттық комиссиясының мерейтойлық отырысы өтті.

Қазақстандағы ЮНЕСКО және ИСЕСКО істері жөніндегі ұлттық комиссияның төрағасы ҚР Мемлекеттік кеңесшісі Е. Т. Карин отырыста Ұлттық комиссияның 2021-2022 жылдарға арналған қызметі бойынша есепті болып табылатынын және еліміздің аумағындағы ЮНЕСКО нысандарының сақталу проблемасына ерекше назар аударғанын, сондай-ақ барлық қатысушыға Қазақстан үшін күтілетін маңызды оқиға, ЮНЕСКО Бас директоры Одри Азуле ханымға барғаны туралы хабарлады.

Отырысқа ЮНЕСКО қамқорлығындағы Орта Азия өңірлік гляциологиялық орталығының директоры, профессор Такир Оспанұлы Балықбаев қатысты.

Қазақстандағы ЮНЕСКО және ИСЕСКО істері жөніндегі ҚР Ұлттық комиссиясының бас хатшысы және отырыс модераторы Әлия Ғазизқызы Байсабаева құттықтау сөз сөйледі.

Отырыста ҚР ҒЖБМ Вице – министрі К.А. Ерғалиев баяндама жасап, отырысқа қатысушыларды ҚР жоғары білім мен ғылымды дамытудың 2023 - 2029 жылдарға арналған министрлік әзірлеген тұжырымдамасы туралы хабардар етті және жұмыстың негізгі нәтижелерін келтірді.

Вице-Министр қатысушыларға 2021 жылғы мамырда ЮНЕСКО қамқорлығындағы Қазақстанда әлемдегі жалғыз Орта Азия өңірлік гляциологиялық орталығын құру туралы және осы орталықтың жемісті жұмысы үшін ҚР Ғылым және жоғары білім министрлігі қажетті қаржыландыруды жүзеге асырып жатқанын айтты

ҚР Мемлекеттік кеңесшісі орталықты өз ғимаратымен қамтамасыз ету туралы мәселе қойып, шұғыл түрде шешуге нұсқау берді.

Іс-шараға қатысушылар ғылым мен білім, мәдениет, ақпарат және коммуникация саласында дамытылуы қажет өзекті мәселелерді талқылады және осы жобаларды іске асыру, ЮНЕСКО ұйымдарымен тығыз өзара іс-қимыл жасайтын эксперименттік алаңдар құру туралы шешім қабылданды.